Додека Даниел Агер престојувал во Шпанија, медиумите јавиле дека е уапсен. И тоа во Русија.
Веста дека Даниел Агер е уапсен на протестите против Владимир Путин во Русија е точна.
Во исто време, некогашниот стопер на Ливерпул е во Шпанија и апсолутно нема никаков увид во руската политика. Како е тоа можно?
Целата збрка ја направил човек кој се до 2009-та година се викал Дмитри Крендел. Овој маж од Оренбург во 2009-та година го променил името во - Даниел Агер.
Liverpool could sure use another central defender right around now. But it won't be Daniel Agger, who is 1) in Russia for some reason 2) was arrested at the Navalny protests on Saturday in Moscow and is in jail awaiting a hearing!
— max seddon (@maxseddon) January 25, 2021
You'll never walk alonehttps://t.co/C15OGcey7D
На навивачот на Ливерпул од Русија Агер му бил омилен фудбалер, па решил да му оддаде почит така што ќе го земе неговото име. А проблемот настанал кога некогашниот Дмитри бил уапсен на протестите.
"Тука настана збрка. Никогаш не реков дека постои само еден Даниел Агер. И сегат тоа го знаеме сигурно. Оној Даниел Агер, споменат во врска со инцидентите во Русија, не сум јас", напишал на Твитер некогашниот стопер на Ливерпул.
Руските медиуми јавиле дека човекот кој сега се вика Даниел Агер на полицијата и рекол дека е некогашен фудбалер на Ливерпул, но дека неговиот руски јазик бил премногу добар, а изгледал како бездомник, па силите за ред не му поверувале.