„Докторите се во право. Британската мутација на коронавирусот пристигна во Србија“, изјави денеска српскиот претседател Александар Вучиќ.
Како што соопшти Вучиќ, британската мутација на коронавирусот пристигнала во соседна Србија, а за тоа утринава бил известен од министерот за здравство, Златибор Лончар.
„Многу сум исплашен. Но, важно е дека тоа го откривме и успеавме да ги откриеме сите контакти на жената која имала негативен ПЦР тест, додека нејзиниот сопруг има воспаление на белите дробови“, изјави Вучиќ и порача дека нема место за паника.
Вучиќ појасни дека новата мутација на коронавирусот во Србија ја донела жена која допатувала од Лондон и нагласи дека здравствените власти ќе ја следат ситуацијата.
„Новата мутација е ужасна. Ми се преврти желудникот кога дознав дека е откриена кај нас“, изјави Александар Вучиќ, пренесува „Блиц“.