Соединетите Американски Држави имаат нов претседател, а во земјата полека ќе започне да се заборава ерата на Доналд Трамп. Сега, државата отвора ново поглавје со Џо Бајден.
Американците на киосците ги дочекаа весници и магазини во чиј главен фокус е смената во Белата куќа, напуштањето на функцијата на Доналд Трамп кој не беше баш омилен кај американските медиуми и пристигнувањето на Џо Бајден на неговото место.
Од сите насловни страници, се чини дека најмногу се издвојува насловната страна на магазинот „Тајм“.
TIME's new cover: Day one https://t.co/VazxGDJzZf pic.twitter.com/R6jVrzXXZc
— TIME (@TIME) January 21, 2021
Илустрацијата на Овалната соба, според „Тајм“ го отсликува тоа што го дочекало Бајден како нов претседател на САД. Прикажана е Овалната соба во прилично хаотично издание, документи натрупани и расфрлани на подот, ишарано и неуредно работно биро, додека Бајден гледа преку прозорецот.
Илустриран е кабинетот на новиот американски претседател, односно нередот кој зад себе го остави Доналд Трамп. „Тајм“ на тој начин укажа што го чека Бајден како нов претседател на државата - многу работа во внатрешната и надворешната политика.