Голем пожар избил денеска во Индискиот институт за Серум (SII), во фабриката за производство на вакцини во Пунеу.
Пожарот го гасат 15 пожарникари, рекол шефот на пожарната служба.
Од зградата биле спасени три лица, а причината за пожарот не е позната. Според најновите информации, кои ги пренесува "Times of India", загинале пет лица.
Информацијата дека има загинати ја потврдил и извршниот директор на компанијата Адар Понавала.
We have just received some distressing updates; upon further investigation we have learnt that there has unfortunately been some loss of life at the incident. We are deeply saddened and offer our deepest condolences to the family members of the departed.
— Adar Poonawalla (@adarpoonawalla) January 21, 2021
Пожарот не го зафатил складиштето во кое има околу 50 милиони дози од вакцината "Covishield", ниту погоните во кои се произведува вакцината против Ковид-19, известила телевизијата NDTV повикувајќи се на извори од институтот. Уништени се неколку катови.
Индискиот институт за серум е најголем произведувач на вакцини во светот. Планира да произведе милијарда дози вакцини против Ковид-19 оваа година.
