Американскиот претседател Доналд Трамп ќе одржи настан за збогување со функцијата без преседан во воената база Ендрус утрото на денот на инаугурацијата на Џо Бајден, а потоа ќе го напушти градот пред неговиот наследник да положи заклетва.
Збогувањето на Трамп со претседателската функција ќе се одржи во база надвор од Вашингтон каде што е сместен “Air Force One”. Ниту еден неодамнешен претседател на САД немал ваква сопствена церемонија во базата.
Наводно како дел од церемонијата ќе има воен оркестар и поздрав од 21 плутони, пренесува „АП“.
Потоа, Трамп планира да отпатува во својата резиденција Мар-А-Лаго пред Бајден да ја положи заклетвата по што и официјално ќе стане 46-тиот претседател на Соединетите Американски Држави.
