Дизни се најде на удар на критики од страна на корисниците на Твитер откако луѓето заклучиле дека еден нивен женски лик промовира нереален изглед.
Како што пишува „Daily Mail“, „прашината“ се подигнала уште во 2016 година кога Дизни го објави краткиот филм наречен „Inner Workings“. Приказната се одвива околу ликот Пол кој работи во канцеларија и е заљубен во Кејт, женски лик со тесен струк, долг врат и голем задник.
На Твитер тогаш започнаа да се нижат коментари дека пропорциите на Кејт се нереални.
Yo where tf are her elbows tho pic.twitter.com/yPzjVatkIt
— sinless woerm (@courtrose15) December 31, 2020
„Не знам зошто Дизни го прави ова“, напишал еден корисник уште во 2016 година, а некои неодамна го гледале анимираниот филм по што повторно се поттикна истата расправа.
„Знам дека ова е само цртан, но можеле да ѝ направат стомак“, „Тажно ми е што децата учат дека треба вака да изгледаат. Невозможно е природно да имате таков задник“, „Дизни им ги намали очите на ликовите, но им ги зголеми другите делови од телото со што се уште изгледаат нереално“, се дел од коментарите на сметка на спорниот лик.
BUT WHERE ARE HER ORGANS?!
— Mama Sadie???♀️☸Reiner Braun stan acc (@bloodbornepro) December 30, 2020
Секако, има и такви кои застанале во одбрана на Дизни и сметаат дека ваквите реакции се претерани.
„Боже, па ова е само цртан филм. Јасно е дека ликовите делуваат како карикатури“, гласи еден коментар.
