Кинеската истражувачка сонда “Chang’e-5” успешно слета на површината на Месечината каде што, за време на историската мисија на кинеската вселенска агенција, ќе собира примероци од тлото и ќе ги врати на Земјата.
Беспилотната кинеска сонда која го носи името на митската кинеска божица на Месечината, беше лансирана на 24-ти ноември, а на Земјата треба да донесе два килограми примероци од тлото од неистражената површина на природниот сателит, наречена „Бурен океан“.
Како што пренесува британската новинска агенција „Ројтерс“, ова ќе им помогне на научниците да го проучат потеклото на Месечината.
После приземјувањето на Месечината, лунарното возило самостојно, со роботизирана рака ќе собира примероци од тлото и ќе ги стави во капсула, која потоа ќе биде транспортирана на Земјата.
##China says its robotic Chang’e-5 mission has successfully touched down on the Moon
— BBC Breaking News (@BBCBreaking) December 1, 2020
The probe will collect samples of rock and dust to bring back to Earthhttps://t.co/n2EojJS9x3
Капсулата по враќањето треба да слета на територијата на кинеската провинција Внатрешна Монголија.
Доколку мисијата биде успешно завршена, Кина ќе им се приклучи на САД и Советскиот сојуз кои се единствените две земји кои успеале да изведат слична мисија на Месечината.