Она што со денови се шпекулира на социјалните медиуми набргу би можело да добие епилог. Сè поизвесно станува дека кошаркарските браќа По и Марк Гасол, конечно, ќе заиграат во иста екипа, и тоа шампионска – ЛА Лејкерс.
Двајцата ги бранеа боите на Барселона и Мемфис гризлис, Марк уште настапуваше и за шпанска Џирона и за Торонто репторс, а постариот брат беше дел од Чикаго, Сан Антонио и Милвоки Бакс.
По имаше големи проблеми со повредите, сè уште не се знае каква е неговата здравствена состојба, а целата приказна ја лансира најдобриот играч на денешницата, Леброн Џејмс.
Pau and Marc Gasol would be the first set of brothers to each play for the Lakers at any point in their careers ? pic.twitter.com/oNJz3RfuSY
— ESPN (@espn) November 23, 2020
„По во Лејкерс? Можеби, ќе видиме, ќе видиме… Многу сум среќен што го гледам Марк во Лејкерси. Тој е голем НБА-шампион. Освои прстен со Репторс плус Марк има освоено и трофеј за најдобар дефанзивец на годината“, рече Џејмс.
По никогаш не ги криел емоциите што ги има кон „езерџиите“, играше за оваа екипа од 2008 до 2014 година и освои шампионски прстен во тандем со Коби Брајант.
LeBron talking about his new teammates the Lakers acquired during free agency. Can’t wait to see the whole interview ??
— NBA SKITS (@NBA_Skits) December 1, 2020
pic.twitter.com/BIt9ZODzU1