Трамп од гувернерот на Џорџија побарал итна реакција во врска со проверките на гласачките ливчиња во таа сојузна дражва, наведувајќи дека тој тоа може лесно да го направи.
Претседателот на САД, Доналд Трамп, на својот профил на Твитер објавил дека не се бори за себе, туку за милионите луѓе кои гласале за него, сугерирајќи дека не се откажува од обидот да ја докаже изборната кражба на претседателските избори на 3-ти ноември на кои, според официјалните резултати, изгубил од демократскиот кандидат Џо Бајден.
"Не се борам за себе, се борам за 74 милиони луѓе кои гласаа за мене", напишал Трамп.
Трамп од гувернерот на Џорџија побарал итна реакција во врска со проверките на гласачките ливчиња во таа сојузна дражва, наведувајќи дека тој тоа може лесно да го направи.
Why won’t Governor @BrianKempGA, the hapless Governor of Georgia, use his emergency powers, which can be easily done, to overrule his obstinate Secretary of State, and do a match of signatures on envelopes. It will be a “goldmine” of fraud, and we will easily WIN the state....
"Зошто Брајан Кемп, несреќниот гувернер на Џорџија, не ги искористи своите овластувања кои ги има за итни ситуации, што лесно може да го направи, и да ги провери потписите на ковертите. Тоа би било "златен рудник" на измами и лесно би ја освоиле таа држава", додава Трамп.
Како што наведува понатаму, би требало брзо да се провери бројот на коверти и бројот на гласачки ливчиња.
"Можеби едноставно ќе откриете дека гласачки ливчиња има многу повеќе од тоа што има коверти. Толку е едноставно и лесно може да се заврши. Републиканците од Џорџија се бесни, сите републиканци се бесни. Направете го тоа", порачал Трамп.
