Легендата на француското рагби, Кристоф Доминици, извршила самоубиство.
Имал 48 години. Француските медиуми јавуваат дека наводно скокнал од кровот на зградата во која живеел.
Доминици е легенда на француската репрезентација за која настапил 67 пати. Најголемиот успех го направил во 1999-та година, кога во полуфиналето на Светското првенство со Франција го добил Нов Зеланд. Со репрезентацијата освоил шест наслови во Купот Шест нации.
Играл до 2008-ма година, кога заминал во пензија.
