Археолозите откриле исклучително добро сочувани остатоци од двајца мажи кои што починале во вулканска ерупција во моментот кога бил уништен древниот римски град Помпеја, соопштило италијанското министерство за култура.
Еден од нив веројатно бил човек од повисок општествен статус, стар помеѓу 30 и 40 години кој што и понатаму имал траги од волнен плашт под вратот, пренесува „Ројтерс“.
Другиот веројатно бил на возраст од 18 до 23 години, имал неколку скршени прешлени, што укажува дека бил роб кој што извршувал некакви тешки физички активности.
Unbelievable discovery in Pompei:
— Tancredi Palmeri (@tancredipalmeri) November 21, 2020
the bodies of two men, a high-status 40-year-old clad in a warm woolen cloak and his young slave in a tunic, escaping from eruption pic.twitter.com/CDxZE3g1Pq
Остатоците биле пронајдени во местото Чивита Џулиана, 700 метри северозападно од центарот на древна Помпеја.
Забите и коските од двајцата мажи биле сочувани, а празнините кои што ги оставиле нивните меки ткива пополнети биле со гипс кој што бил оставен да се стврдне, а потоа ископан.
„Овие две жртви можеби барале засолниште кога во околу девет часот утрото се појавила струјата на топлиот гас“, изјавил Масимо Осана, директор на археолошкото пронаоѓалиште.
Two new victims of the AD 79 eruption have been found in the excavations of Civita Giuliana near Pompeii. The bodies of two men seeking shelter in a cryptoporticus have been cast in plaster.
— Dr Sophie Hay (@pompei79) November 21, 2020
Video and further info here: https://t.co/PhJGlg5glO
Via @pompeii_sites/@_MiBACT pic.twitter.com/RknzDYbLxS
„Тоа е смрт предизвикана од термички шок, што ја покажуваат и стеснатите нозе и раце“, додал тој.
Инаку, во Помпеја живееле околу 13.000 луѓе кога ерупцијата ги затрупала со пепел „замрзнувајќи ги во времето“.