Научниците пресметаа колкава е веројатноста да сте во друштво на лице заразено со коронавирус

Макфакс

17/11/2020

11:27

2.848

Големина на фонт

а а а

Ако десетмина седат на маса во Прага, ризикот дека најмалку едно лице е заразено со коронавирус е 58 проценти. Ризикот е 32 проценти во Париз и 18 проценти во Вашингтон.

Ова е пресметано благодарение на интернет-алатката развиена од група американски научници која им овозможува на луѓето да го проценат ризикот од инфекција на собири.

Авторите се научници од Институтот за технологија во Џорџија, а нивната методологија е потврдена со објавување во престижното списание „Нејчр“.

Засега, на порталот „covid19risk“, ризикот да се биде во друштво на заразено лице може да се пресмета само за Соединетите Американски Држави (по области) и за дел од европските земји (според нивните региони).

Моделот го зема предвид фактот дека реалниот број на заразени е пет до десет пати поголем од бројот на позитивни тестови, така што корисникот може да избере една од тие две хипотези за својата пресметка, пренесува „Индекс“. Тој исто така може да избере дали сака друштво од пет, десет, педесет, сто, па дури и 5.000 луѓе.

Авторите зазедоа конзервативен пристап, па пресметуваат дека заразеното лице е позитивно десет дена, изјави главниот креатор на програмата Џошуа Вајц.

Авторите забележуваат дека нивниот модел само ја пресметува веројатноста дека некој во вашата компанија е заразен, а не и колку е веројатно да се заразите бидејќи тоа зависи од премногу варијабли, како што се носење маска и проветрување на просторијата.



Спонзорирани линкови

Маркетинг