Во земјотресот во Грција и Турција загинале најмалку 26 лица, повредени повеќе од 800

Екипите за спасување се пробиваат низ бетонските блокови на срушените згради во потрага по преживеани во Измир, трет град по големина во Турција, кој е најмногу погоден во земјотресот, известува "AP". 

По првиот, најсилен потрес од седум степени, уследиле стотина помали, од кои најмалку 16 биле посилни од 4 степени, а подрачјето било погодено и од мини-цунамија.

Најмалку 24 лица загинале во Измир, вклучувајќи и една постара жена која се удавила, соопштила турската служба за вонредни ситуации.

We are still feeling #aftershocks in #İzmir. Some of them are #earthquakes with more than 4.0 magnitude. Some people spent their night in the cars or parks. @Kizilay, with its team and volunteers, is still on the ground providing assistance to rescue workers and affected people. pic.twitter.com/RlCjPVwV1p

— Elif Işık (@eli_isik) October 31, 2020

На Самос двајца тинејџери загинале кога на нив паднал ѕид, а повредени биле 20-тина луѓе. Двајца се повредени, од кои едно 14-годишно дете, се префрлени во Атина, а седуммина се хоспитализирани на островот, соопштиле локалните власти.

Малото цунами кое го погодило брегот ги поплавило улиците во Самос. Властите ги предупредиле граѓаните да се тргнат од брегот и зградите кои би можеле да се урнат.

Епицентарот на земјотресот, кој според Институтот Кандили бил со јачина од 6.9 степени, бил во Егејското море северно од Самос.

Earthquake, aftershocks and tsunami cause serious damage in Turkey's Izmir

| Ahval |
https://t.co/xMHmd5An2G

— Ahval (@ahval_en) October 31, 2020

Тресење на земјиштето почувствувале и граѓаните на источните грчки острови, се до Атина и Бугарија. Во Турција, се тресел регионот од Егејското до Мраморното море, а градоначалникот на Истанбул соопштил дека, иако го почувствувале земјотресот, немало материјална штета во градот.

Повеќе од 3.000 спасувачи се пратени во Измир. Турската "Црвена полумесечина" организирала кујни кои на луѓето ќе им обезбедат храна.

Во знак на солидарност, која била ретка последните месеци поради тензичните билатерални односи, службеници од двете земји си размениле пораки за поддршка, а претседателите на Грција и Турција разговарале по телефон.