Кајганата на медитерански начин ќе ги освои сите ваши сетила.
- 1 лажица маслиново масло
- пулпа од домати (количина по вкус)
- прстофат кафеав шеќер
- 4 јајца
- јогурт
- 2 чешниња сечкан лук
- зачини по желба
- малку магдонос
- половина главица ситно сечкан кромид
- исецкана црвена пиперка
- лути пиперчиња
Загрејте една лажица маслиново масло во тавче за пржење. Измешајте го кромидот, пиперката и лутите пиперчиња и динстајте додека не омекне зеленчукот. Потоа додајте ја пулпата од домати и кафеавиот шеќер и постојано мешајте. Динстајте додека не испари течноста.
Користејќи дрвена лажица, направете четири дупки во приготвената смеса и во нив скршете ги јајцата. Поклопете го тавчето и на тивок оган пржете ги јајцата додека не бидат приготвени по желба.
Измешајте го јогуртот со лукот и зачините. Ставете го магдоносот одозгора и послужете ја смесата од тавчето заедно со прилог од јогурт и лук, декорирано со лути пиперчиња.