Кејтлин Џенер купила куќа за 3,5 милиони долари после разводот од Крис Џенер (64). Направила голем имот кој има поглед кон Малибу и Тихиот океан.
Куќата има големи простории со многу светла, голем базен, хидромасажна када и бар за гости.
„Мислам дека најневеројатната работа во мојот дом е погледот. Сите кои поминуваат низ мојот дом велат дека им се допаѓа“, рекла Кејтлин во видеото во кое го покажува својот дом.
„Иако ја замислувате како голема, куќата не е огромна. Имав таква претходно, а потоа одлучив да имам помал и поудобен простор“, рекла Џенер.
Еден од највоодушевувачките делови од нејзиниот дом е ормарот, до врв исполнет со дизајнерски предмети. Луксузот тука не престанува, бидејќи има огромен простор каде се наоѓа цела козметика.
