Македонскиот премиер Зоран Заев и натаму се прави "сиромашен и несреќен" велејќи дека Скопје е подготвено да изјави дека нема територијални претензии кон Софија, наведува Ангел Џамбаски, заменик претседател на парламентарната партија ВМРО БНД во коментар на изјавата на Заев.
Џамбаски смета дека на никого не би му паднало на памет дека Северна Македонија може да има такви претензии.
"Не, не сакаме да изјавите дека немате територијални претензии кон Бугарија. Нема потреба да измислувате изговори и потези. Бараме да не издавате нови документи и ново државјанство за Гоце Делчев. Престанете да се правите дека не знаете дека Гоце Делчев недвосмислено и неоспорно се декларирал како Бугарин", му се обратил Џамбаски на Заев.
Тој верува дека реториката на македонските политичари за револуционерот е инспирирана од политиката на Југославија.
Zoran Zaev продължава да се прави на "завалия". Иначе казано, на недоразбрал. Никой не си е и помислял, че можете да...
Posted by Ангел Джамбазки on Monday, 26 October 2020
"Ова е немилосрден историски факт дека Гоце Делчев е Бугарин. Не треба да се обесчести неговата работа и сеќавањето на него со недостојни српско-комунистички игри", заклучил бугарскиот политичар.
Зоран Заев претходно најавил дека Македонија е подготвена да потпише додаток на постоечкиот договор за пријателство, добрососедство и соработка, дека нема територијални претензии кон Бугарија.
Минатата недела лидерот на ВМРО БНД и заменик премиер Красимир Каракачанов рекол дека големите европски земји се обидуваат да извршат притисок на Бугарија по прашањето за пристапувањето на Македонија во Европската унија, но нагласил дека не би требало да очекуваат Бугарија да подлегне на влијанието.
