Министерот за здравство, Венко Филипче, на својот профил на Твитер објави фотографија од членови на ВМРО-ДПМНЕ.
На фотографијата на која наводно е настаната на состанок на ВМРО-ДПМНЕ, на кој се барала одговорност од владата за коронавирусот, се гледа дека не се почитуваат мерките за заштита, не се носи маска и не се одржува дистанца.
„Состанок на ВМРО ДПМНЕ за барање одговорност од власта за коронавирусот“, напиша Филипче на Твитер.
Состанок на ВМРО-ДПМНЕ за барање одговорност од власта за коронавирусот. pic.twitter.com/Mqmset3pBI
— Венко Филипче (@VFilipche) October 16, 2020
На фотографијата се забележува претседателот на Патриотскиот институт на ВМРО-ДПМНЕ, Александар Пандов во друштво на триесетина членови или симпатизери на партијата.
Со својот Твит Филипче алудира на неодговорноста од опозициската партија.
Од ВМРО-ДПМНЕ претходно порачаа дека најдобрата мерка што може да ја преземе владата е Филипче да си поднесе оставка.