Баш како во Шпанија што лесно може да ја стекнете навиката за вечерање во доцните часови, така и кај Гермаците може да стекнете некои од следните навики.
Никогаш немојте да прекинувате Германец додека зборува. Една од причините е тоа што глаголот во германскиот јазик е на крајот од речениците, па може да ја изгубите смислата за реченицата која што сакате да ја кажете. Освен тоа многу од Германците ќе запрат со своето зборување доколку им кажете „Супер“, „Навистина?“ или пак „Не можам да верувам“, сред реченица.
„Сакам да играм фудбал и да гледам натпревари, но неверојатно е колку тој спорт е вкоренет во германската култура. Секогаш може да најдете пренос на некакви натпревари, спортски коментари или пак емисија од тој вид на радио или телевизија. Луѓето со сета страст навиваат за фудбалскиот клуб којшто го сакаат“.
Германците имаат специфична смисла за хумор, саркастичен е, а понекогаш и брутален, а иронијата за нив е како „добар ден“.
Додека Французите често се сметаат за „расипани“, Германците се на списокот на луѓе „без влакна на јазикот“. Тие секогаш сè кажуваат директно, па дури и доколку тоа нема да ги исполни очекувањата на соговорникот.
Минералната вода во Германија е насекаде. Доколку во некое кафуле нарачате кафе, тогаш задолжително ќе ве послужат и со минерална вода, без да ја нарачате.
Германците одлично зборуваат англиски јазик, но доколку ги прашате за тоа, ќе ви одговорат: „Малку“.