Куче од овој златен тибетски мастиф, старо една година, со висина од 80 центиметри и тежина од 90 килограми, било продадено за 2 милиони долари.

Освен што тоа го усреќило Кинезот кој што го купил, тоа станало и најскапото продадено куче на светот, а тој рекорд го држи до денес.

Кој е тибетскиот мастиф?

Ова куче потекнува од тибетските култури - Tибет, Кина, Индија, Монголија и Непал, а било користено како чувар на тибетските манастири и од страна на локалните племиња за да ги штити овците од волци, леопарди, мечки, големи куни и тигри.

Има два вида од ова куче:

Drog-Khyi, што значи номадско куче или пак куче кое што може да се чува и врзе и

Tsang-Khyi, се однесува на манастирскиот вид кучиња, кои што генерално се повисоки и имаат потешки коски и поголема тежина.

Постојат многу легенди за нивното потекло, а една од нив вели дека тоа е „божјо куче“ затоа што претставува трансформација на тибетско свештеничко куче.

Овие кучиња имаат: лавовска грива, просечна тежина од 63 до 78 килограми и висина од 60 до 70 центиметри, а биле нeпознати сè до 1847 година кога еден примерок бил испратен на кралицата Викторијa како подарок.

Инаку, како и сите раси кучиња овчари, така и оваа раса е многу храбра, интелигентна и неверојатно верна на човекот.