Како што јавува агенцијата "AFP", Советот за безбедност на ОН ќе одржи итен состанок. Темата на состанокот ќе биде конфликтот меѓу Ерменија и Азербејџан.
Во тек се судири меѓу ерменската и азербејџанската војска, додека во двете земји е прогласена воена состојба.
Судирот на силите на Ерменија и Азербејџан во регионот Нагорно-Карабах продолжил утрово, а двете страни во таа област распоредиле тешко вооружување.
Премиерот на Ерменија, Никол Пашинјан рекол вчера дека борбените дејства на Азербејџан се провокација, а претседателот на Азербејџан, Илхам Алијев тврди дека ерменските сили отвориле оган и тоа исто така го нарекол провокација.
Armenian separatists in the breakaway region of Nagorny Karabakh said Monday 15 more of its fighters have been killed in a flare-up of a territorial dispute, bringing the total death toll to 39 as the fighting entered a second dayhttps://t.co/ZrxrO49CEP
— AFP news agency (@AFP) September 28, 2020
Ерменија и Азербејџан долго се во судир поради отцепениот азербејџански регион во главно населен со Ерменци, а граничните судири кои се појачувале во минатите месеци, во неделата наутро ескалирале.
Владата на Ерменија прогласила вонредна состојба и општа мобилизација поради ескалацијата на судирите во Нагорно-Карабах, а Азербејџан го направил истото.
Судирите избиле меѓу тамошните сепаратисти кои ги поддржува Ереван и силите на Азербејџан.
Тензиите меѓу двете земји избиле уште во 1988-ма година, како резултат на барањата на етничките Ерменци за независност на покраината Нагорно-Карабах во Азербејџан и обединување со Ерменија, во моментот кога се распаѓал Советскиот сојуз.
Самата војна околу територијата траела од 1992-ра до 1994-та година. завршила со целосна или делумна контрола на Ерменија над Нагорно Карабах и седум придружени територии.
Прекин на огнот бил договорен во 1994-та година при што бил ставен крај на крвопролевањата кои однеле 30.000 животи.
Граничните судири кои траат со години, повторно се засилиле минатите неколку месеци.
Во април 2016-та година на линијата на разграничување биле убиени најмалку 30 војници, на двете страни.
