Инфлуенсерите прават сè за добра фотографија, но не е тајна дека многумина од нив доста часови поминуваат додека се фотографираат, а потоа многу време трошат на уредување на онаа која сакаат да ја објават.
Некои од нив одат чекор понатаму и целосно лажираат некој момент на фотографиите, а најновата идеја помеѓу американските инфлуенсери е фотографирање во студио кое изгледа како внатрешност на приватен авион. Многу инфлуенсери, од кои некои имаат повеќе од милион следбеници, користат услуги на вакви студија и не само што ги лажат своите следбеници дека патуваат со приватни авиони, туку лажат дека воопшто отишле некаде.
„Штотуку дознав дека девојките од Л.А. користат фотографско студио кое е уредено како приватен авион. Неверојатно е како сè што гледаме може да биде лажно - облека, тело, па дури и просторот на фотографијата“, напишала една девојка на Твитер и ги споделила фотографиите од студиото.
Nahhhhh I just found out LA ig girlies are using studio sets that look like private jets for their Instagram pics. It’s crazy that anything you’re looking at could be fake. The setting, the clothes, the body... idk it just kinda of shakes my reality a bit lol. pic.twitter.com/u0RsOnyEEk
— melissa (@maisonmeIissa) September 25, 2020
Американската агенција „Peerspace“ едно такво студио изнајмува за фотографирање, а еден час фотографирање чини околу 60 долари.
