Анхел Ди Марија го крена гласот откако не беше повикан за аргентинскта репрезентација од страна на селекторот Скалони, нагласувајќи дека не може да се зборува за промена на генерации во тимот кога и натаму повици добиваат Лионел Меси и Серхио Агуеро.
Ѕвездата на ПСЖ зборуваше без влакна на јазикот во интервјуто за „Клос Континентал“, но покрај тоа што даде изјава за својата ситуација во селекцијата, откри дека се обидел да го привлече својот добар познаник и сонародник Лионел Меси во Париз.
– Кога дознав дека Меси сака да си оди од Барселона, му испратив нацрт на Инстаграм за тоа на која позиција ќе игра во ПСЖ и како ќе изгледа тимот со него, – открива Ди Марија, кој сепак не обелодени каков одговор добил од Лео.
Аргентинецот е еден од ретките фудбалери кои можат да се пофалат дека играле со Лео и Кристијано во ист тим, па како таков, вели дека Роналдо треба да добие огромна заслуга за тоа што постојано се борел со Меси за „Златната топка“.
– Кристијано Роналдо е животно. Заслужува голем респект за тоа што се бореше со Меси за „Златната топка“, пред се поради тоа што тој го нема природниот дар од Бога како Лео. На двајцата им дојде многу добро тоа што се имаа за противници еден за друг, – заклучува Ди Марија.
