Златан Ибрахимовиќ е позитивен на коронавирус, откри редовното тестирање во клубот, потврдија од Милан.
„Кориере дела Сера“ први ја објавија оваа вест, а набрзо потоа потврда стигна и од Милан: „Веднаш ги известивме сите здравствени структури и играчот веднаш е испратен дома во изолација“.
Тестирањето кое откри дека Ибрахимовиќ е позитивен на коронавирус било извршено во рамките на протоколите на УЕФА во пресрет на натпреварот Милан - Бодо Глимт во третото претколо на Лига Европа.
Средбата е закажана за вечерва во 20:30 часот.
Инаку, ова е голем удар за тренерот Стефано Пиоли кој сигурно дека сметаше на услугите на Швеѓанецот, посебно на следните натпревари во рамките на италијанска Серија А.
