Израел и Обединетите Арапски Емирати постигнале историски договор според кој Израел прифатил да престане да ги присвојува подрачјата на Западниот Брег кои планирал да ги анектира.
Оваа информација денес на Твитер ја објавил и претседателот на САД, Доналд Трамп, кој помогнал овој договор да се потпише.
Тоа е прв договор од тој вид потпишан по оној од 1994-та година меѓу Израел и Јордан, а конечно треба да донесе до целосна нормализација во дипломатските односи на овие две земји.
Како што рекол Трамп, а пренесуваат бројни светски медиуми, ова е историски исчекор.
"Нашите два големи пријатели постигна историски мировен договор - Израел и ОАЕ. Сите велеа дека не е возможно. По 49 години Израел и ОАЕ во целост ќе ги нормализираат дипломатските односи. Ќе се воспостават дипломатски претставништва и ќе започне прекугранична соработка", рекол Трамп.
HUGE breakthrough today! Historic Peace Agreement between our two GREAT friends, Israel and the United Arab Emirates!
— Donald J. Trump (@realDonaldTrump) August 13, 2020
Американскиот претседател истакнал дека станува збор за значаен чекор кој ќе придонесе за изградба на мирен, побезбеден и поразвиен Близок исток.
"Сега кога мразот е пробиен очекувам повеќе арапски и муслимански земји да го следат примерот на ОАЕ и да ги нормализираат односите со Израел", навел Трамп.
Според наводите на медиумите, договорот предвидува на муслиманите да им се овозможи поголем пристап до џамијата Ал-Акса во Стариот град Ерусалим, како и да летаат од Абу Даби во Тел Авив, а од друга страна ОАЕ и Израел ќе ја прошират и забрзаат соработката во поглед на лечењето и развојот на вакцина против коронавируост.
Договорот уследил во четвртокот по телефонска седница на која присуствувале претседателот на САД Доналд Трамп, премиерот на Израел Бенјамин Нетанјаху и принцот на Абуд Даби, Шеик Мохамед Бин Зајед.