Спарки е 4-годишен бул териер кој ужива во шопинг, но и во привлекување на внимание.
Имено, кога имал само 1 година, Спарки штом влегувал во продавница, легнувал на подот и барал од неговиот сопственик да го влече.
“На почетокот мислевме дека го прави тоа бидејќи е мрзелив. Меѓутоа, утврдивме дека тој всушност ужива во вниманието кое му го придаваат случајните минувачи кога ќе го видат во таа положба бидејќи е навистина смешен. Тој исто така има израз на лицето како да се смее”, вели неговиот сопственик.
Спарки на Инстаграм има над 111 илјади следбеници, а видеата на кои “се лизга на шопинг” се помеѓу најгледаните.
“Најмногу му се радуваат децата кога ќе го видат во таа положба. Тоа ме прави среќен”, додал сопственикот на Спарки.