Џенифер Греј, партнерката на Патрик Свејзи во романтичната драма „Dirty dancing“, ќе се појави во продолжението на тој класик од 1987 година, објави во петокот филмското студио.
Греј ќе биде и извршна продуцентка на филмот кој што ќе гo режира Џонатан Левин, изјавил Џон Фелтхеимер, извршниот директор на „Gate Entertainment Corp“.
„Тоа ќе биде романтично-носталгичен филм каков што обожавателите чекаа долго време“ - изјавил тој.
Компанијата не објавила детали, вклучувајќи ја и информацијата кога ќе биде премиерата.
Инаку, Свејзи во 2009-та година почина од рак на 57-годишна возраст.
„Dirty Dancing“ беше хит на кинематографијата и награден со Оскар за најдобра оригинална песна „I've Had The Time of My Life“.
Филмот во 1987-та година заработи 214 милиони долари ширум светот, па стана првиот филм кој што ја надмина бројката од милион продавани видеокасети.
