Новата колекција на H&M е чиста романтика

Fashionel.mk

06/08/2020

18:12

1.717

Големина на фонт

а а а

Познатиот шведски бренд неодамна ја претстави новата колекција, создадена во соработка со дизајнерката Сандра Мансоур.

Таа е од Бејрут, а своето ателје и истоимениот бренд ги основа во 2010 година. Препознатлива е по романтичната, а сепак впечатлива естетика, што успеа да го пренесе и во оваа соработка. 

Колекцијата го носи називот „Fleur du Soleil“, како последица од инспирацијата на дизајнерката со сончогледите кои го секогаш го следат сонцето. 


Покрај тоа, инспирацијата ја нашла и останатите убавини што ги нуди природата, но и во силата на жените-уметници. Модните инсајдери ќе кажат дека оваа колекција е составена од парчиња со комплексен дизајн, кои вклучуваат и рачно изработени детали, што апсолутно не изненадува кога е оваа дизајнерка во прашање. 

Крајниот резултат, за кој првите впечатоци се и повеќе од позитивни е летна колекција која изобилува со романтични, но и модно предизвикувачки креации. 

Фустани, здолништа, блејзер, маици со принт, дуксер со качулка... се дел од парчињата облека што ја сочинуваат. 


„Инспирацијата за колекцијата која ја дизајнирав за H&M беше природата и природните елементи, особено сончогледот, кој претставува круг на животот и неговата зависност од сонцето и светлоста. Поезијата и сликарките ме инспирираа за изборот на ткаенини - црна тантела, жакард и везена органза. Со оваа колекција сакам да пратам порака за надеж на сите жени ширум светот, нешто што во овој момент ни е повеќе од потребно“, вели дизајнерката. 

Од брендот H&M пак, истакнуваат дека нејзините дизајни се чиста убвина, уметност и романтика, како и тоа дека ја следат модерната младоликост. 

Погледнете:




Спонзорирани линкови

Маркетинг