Домашен сладолед од кајсија: Леден десерт кој ќе ви го разлади телото и ќе ви го згрее срцето

Точка

04/08/2020

14:33

816

Големина на фонт

а а а

За време на жешките летни денови, еден од омилените десерти е токму сладоледот кој е уште повкусен кога доаѓа во домашна варијанта.

Во продолжение, ви претставуваме рецепт за домашен сладолед од кајсија во кој ќе ужива целото семејство. 

Потребни состојки:

- 200 мл. млеко

- 1 ќесичка ванилин шеќер

- 2 жолчки

- 80 гр. шеќер

- 500 гр. кајсии

- 300 мл. слатка павлака


Начин на припрема:

1. Варете го млекото заедно со ванилиниот шеќер – кога ќе зоврие варете уште малку, па тргнете го од оган.

2. Во меѓувреме изблендирајте ги исчистените кајсии, а во друг сад помешајте ги жолчките со шеќерот. Полека додавајте го топлото млеко во садот со жолчките, а потоа ставете ја оваа смеса на тивок оган за да се згусне.

3. Откако смесата ќе се излади, во неа додајте го пирето од кајсии и ставете ја во замрзнувач околу 1 час.

4. Изматете ја слатката павлака, а потоа додајте ја во садот со смесата од кајсии. Добро промешајте и оставете да се стегне во замрзнувач околу 3 часа.

5. Повремено промешувајте ја смесата и враќајте ја во замрзнувач – со мешањето се крши ледот кој се формира во текот на замрзнувањето и се добива хомоген, мек сладолед.



Спонзорирани линкови

Маркетинг