Терористичката организација Хамас синоќа лансирала ракета кон градот Сдерот на југот на Израел додека жителите на градот гледале филм на отворено.
На социјалните мрежи се појавија видеа на кои може да се види како семејствата со деца трчаат и врескаат покрај паркираните автомобили во потрага по засолниште. Хамас ракетата ја лансирале од северот на Газа, а од израелската армија соопштија дека нивните ПВО системи успешно ја пресретнале и уништиле ракетата.
WATCH: Families in southern Israel were watching a movie at a drive-in theater tonight.
— Hananya Naftali (@HananyaNaftali) August 2, 2020
During that time, #Hamas fired a rocket from #Gaza into Israel - targeting civilians. This is not a movie, but reality for children in southern Israel. Pray for them pic.twitter.com/5Fne1QmW0u
Ова е прв напад во последниот месец. Сирените за аларм биле вклучени во градот, по што илјадници граѓани веднаш се засолниле.
Израелските медиуми пренесуваат дека нема човечки жртви, но неколку автомобили биле оштетени од шрапнелите кои што паднале на улиците после пресретнувањето на ракетата.
Неколку часа после нападот, авиони на военото воздухопловство на Израел погодиле неколку места во Хамас во централниот и јужниот дел на појазот Газа. Од израелската армија соопштија дека авионите погодиле фабрика за цемент која била користена за изградба на тунелите, како и други подземни објекти кои ги користеле терористите на Хамас.
This video clearly shows a rocket fired from #Gaza intercepted over #sedrot in southern #Israel. The attack triggered sirens in Sedrot and nearby areas. This was 1st rocket attack by #Palestians in nearly a month. pic.twitter.com/xOfDvmM4jf
— Habib Abdolhossein (@HAbdolhossein) August 2, 2020
