Инстаграм е една од социјалните мрежи на кои често се споделуваат некакви предизвици со фотографии кои пренесуваат некаква порака. Овој пат се вклучени сите жени од светот.
Веројатно вчера забележавте многу убави жени на Инстаграм, во црно-бела боја. Станува збор за предизвик за кој се верува дека го започнала активистката Александрија Окасио Кортез, која неодамна одржала говор во кој опишала дека е омаловажувана од страна на колегите.
Целта на овој предизвик е жените меѓусебно да се ценат, поддржуваат и заштитуваат една со друга. За да бидете дел од овој предизвик мора да добиете порака во која пишува што треба да објавите и после тоа да поканите 50 жени да се приклучат на предизвикот.
Покрај светски познатите жени, на предизвикот се придружија и нашите познати личности.
