Голема црна мечка ја изненадила жената во Вирџинија која што ја пронашла во дворот, како лежи во базенот во нејзиниот двор.
Регина Келер веќе навикнала да се сретнува со мечките бидејќи куќата ѝ е сместена на изолирана локација блиску до националната шума „George Washington“ во Вирџинија.
„Ова е најголемиот кој што сум го видела. Ги поливав цвеќињата надвор кога ја забележав мечката како лута по дворот.
Дојде до базенот и прво ја стави само шепата во вода. Набрзо одлучи целосно да легне во базенот. Изгледаше толку многу среќно и освежено“ - изјавила Регина за Си-ен-ен.
Таа во својот двор често наоѓа мечки, срни, лисици, верверички. Мечката се одморала во базенот околу еден час, а потоа побегнала кога го чула кучето како лае во дворот.
