Официјалните Твитер профили на милијардери, политичари и најголемите светски компании биле мета на досега невиден напад на се уште непознат напаѓач.
"Уплаќаш 1.000 долари, ти враќаат 2.000, но само во наредните половина час и тоа бидејќи мултимилијардерите одобрија".
Така изгледала средата на Твитер кога на официјалните сајтови на Бил Гејтс, Илон Маск, Џеф Безос, Џо Бајден, Барак Обама, Мајкл Блумберг, "Apple", "Uber" и многу други се појавиле неверојатно пораки.
Tough day for us at Twitter. We all feel terrible this happened.
— jack (@jack) July 16, 2020
We’re diagnosing and will share everything we can when we have a more complete understanding of exactly what happened.
💙 to our teammates working hard to make this right.
"Време е за дарување", "поради Ковид се чувствувам дарежливо", "враќаме на заедницата" - така почнувале постовите во кои корисниците на Твитер биле повикувани на биткоин сметка да уплатат илјада долари и за половина час да ја дуплираат сумата.
"Ова е тежок ден за Твитер", напишал првиот човек на компанијата Џек Дорси на својот профил доцна вчера, наведувајќи дека програмерите постојано работат на исправање на грешката која го овозможила пропустот.
1/3 ‼️ ALERT: As many of you are already aware, @Twitter went through a rough attack, with many high profile verified accounts being compromised by malicious actors sharing fake giveaways involving #Bitcoin. #cryptoforhealth #twitterhack #twitterhacked #cybersecurity $UPP pic.twitter.com/AJg2FveouM
— Uppsala Security (@UPPSentinel) July 16, 2020
Твитер веднаш ги исклучил сите официјални профили обележани со сино кругче, а повторно станале активни неколку часа подоцна.
Во случајот се вклучил и ФБИ, а според досегашните сознанија зад нападот најверојатно стои хакерската група "cryoptoforhealth", која преземала одговорност на својот профил на Инстаграм, наведувајќи дека станува збор за "добротворен напад" и дека сите пари кои наивните корисници ги уплатиле отишле "на вистинско место".
Не се знае колку корисници наседнале на измамата, но извесно е дека ги има.