Рускиот систем за противвоздушна одбрана "S-500 Prometej" по своите технички карактеристики е 15-20 години пред сличните западни системи, пишува германскиот портал "Фокус".
"S-500 Prometej" е способен да уништи сателити, хиперсонични ракети и други закани на небото и на вселената, пренесува порталот. Таканаречените "невидливи авиони" исто така ќе бидат лесна мета за најновиот руски систем, потсетува авторот на статијата.
Како што рекол главниот командант на Воздушно-космичките сили на Русија, Сергеј Суровкин, "S-500" е првата генерација на вселенски одбранбен систем.
#China congratulates the #Russian air defense system on the S-500, which it has said is more effective than any other #AntiMissile defense system in the #world. With a range of more than500KM of distance and 200 of altitude and each launcher iscapable of following at least 10 🎯 pic.twitter.com/qSVI9OolKq
— ᴀɴᴏɴʏᴍᴏᴜꜱ (@OPLegions_) July 3, 2020
"S-500" може да ги уништи речиси сите постоечки и потенцијални воздушни мети во блиската вселена и во атмосферата, поради што е во состојба да реши прашања од стратешка ракетна одбрана. Освен тоа, станува збор за мобилен систем, што значи дека брзо може да се префрли во било која загрозена насока - рекол директорот на Центарот за анализа на светската трговија на оружје Игор Коротченко, пишува порталот и претпоставува дека системот би можел да се вброи во составот ма вооружување веќе оваа година.
Авторот на статијата потсетува дека кинеските експерти во 2019-та година претпоставиле дека "S-500" ќе биде еден од најнапредните борбени системи во Русија, а можеби и во целиот свет. Дометот на системот е 600 километри, што наведува на претпоставка дека може да се користи и за заштита од метеорити и други небесни тела.
