Тешко е да се поверува дека сè уште постојат вакви места: Откријте ја најдобро чуваната тајна на Швајцарија

Точка

09/07/2020

16:03

6.640

Големина на фонт

а а а

Сакате да уживате во недопрена природа и спектакуларни пејзажи, мир и тишина, но и во одлично швајцарско сирење? Тогаш Гимевалд е идеално место за вас.

Селото се издигнува на 1367 метри над долината Лаутербрунен и помеѓу планините Шилторн и Јунгфрау. 

До ова место кое се наоѓа во кантонот Берн не може да се стигне со автомобил. Поради недостаток на патишта до Гимевалд се стигнува со жичарница, а постои и екстремна планинска рута опремена со челични скали која го поврзува со соседното село Мурен.


Недостатокот на традиционален сообраќај не ги загрижува нешто повеќе од 130-те жители кои постојано живеат таму. Тие се навикнати на бавното темпо, како и на реченицата која патниците ја изговараат секој пат кога ќе дојдат на посета: “Не верувам дека постои нешто вакво”.

Жителите на Гимевалд се занимаваат со земјоделство, сточарство и туризам, а во секој дом може да се купи сирење што се прави од домашно млеко. Постарите жители велат дека во селото има повеќе крави отколку поштенски сандачиња.


Довербата и заедништвото кои владеат во Гимевалд се толку моќни што населението ќе ви дозволи да влезете во нивниот дом без да тропнете, да си изберете и да земете сирење по желба, а потоа да оставите пари. Тие се уверени дека луѓето се чесни и дека нема да ги измамат.

Некои го нарекуваат Гимевалд и “најдобро чуваната тајна на Швајцарија”. Тоа е едно од ретките преостанати места во оваа европска земја во која се живее без преголем стрес, онака како што живееле нивните прадедовци и прабаби.




Спонзорирани линкови

Маркетинг