Пеп Гвардиола јавно истакна дека не е сигурен дали еден од фудбалерите за кои беа издвоени големи пари ќе остане на „Итихад“ и по крајот на оваа сезона.
Станува збор за 26 годишниот дефанзивец Џон Стоунс кој се поврзува со заминување од Манчестер Сити и враќање во неговиот Евертон.
Гвардиола потврди дека не е сигурен дека Стоунс ќе остане во клубот и покрај тоа што негова желба е дефанзивецот да продолжи да игра за „граѓаните“.
– Сакам да го избере најдоброто за него, а на крајот на сезоната ќе зборуваме за тоа што ќе се случи затоа што понекогаш мојата желба не е желба на фудбалерите или желба на раководните лица на клубот.
– Јас сум искрен во секој момент и го кажувам она што го мислам, не само во ситуацијата со Џон, туку и со сите играчи. Ако некој мора да замине, му го кажуваме тоа, -изјави Гвардиола.
Освен поранешниот клуб Евертон, за Џон Стоунс постои интерес и од тимот на Арсенал.
