Анастасија Покресчук, од украинскиот главен град Киев, опседната е со вбризгување хијалуронски филери во образите и, како што рекла за „ITV News“, не планира никогаш да престане со тоа.
Оваа 31-годишна манекенка потрошила повеќе од 2.000 долари на инјекции и вели дека дури сега е задоволна со својот изглед.
„Претходно изгледав како глушец. Имам повеќе самодоверба и добивам повеќе внимание од момците од пред да поработам на изгледот“, рекла таа.
„Претходно имав преголем нос, а сега лицето ми е пропорционално. Усните и образите ми изгледаат поубаво“, додала таа.
Иако е свесна за опасноста што се крие зад оваа опсесија, признава дека премногу сака филери за да престане да ги користи.
„Опасно е, но сè правам по препораки на доктор. Процедурата за вбризгување ја научив онлајн. На почетокот бев загрижена, но сега обожувам да го правам тоа.“
Додала и дека нејзината мајка мисли дека тоа е лудо, но дека негативните коментари не ја загрижуваат, бидејќи тоа ѝ се допаѓа.