Во италијанскиот регион Трентино-Алто Адиџе е регистрирано ново жариште на коронавирусот, откако лице после враќањето од Косово организирало забава каде што биле заразени најмалку 8 други лица.
„Нултиот пациент“ од новото жариште во Трентино не само што не ги почитувал мерките на задолжителен 14-дневен карантин, туку на 21-ви јуни тој организирал забава на која присуствувале повеќе од 20 луѓе, кои исто така претежно биле од Косово.
Како што пренесуваат италијанските медиуми, неговата здравствена состојба се влошила на 24-ти јуни по што бил хоспитализиран.
Да потсетиме, Италија беше една од најпогодените земји на почетокот на ширењето на пандемијата на коронавирусот, а во земјата досега се регистрирани над 241 илјади заразени, а како последица на Ковид-19 починаа над 34 илјади луѓе.
