Во последната (из)вонредна епизода за ова лето, Фчерашни новости направија прилог во кој ќе може да погледнеме како течат обуките за парламентарните избори. Што е потребно да се знае пред да се иде на избори, со оглед дека е во време на ковид? Кои мерки треба да се преземат? Зошто не треба да се гласа групно и други социјални мерки за заштита.
Се враќаат реалните шоуа во Македонија и тоа не било каде туку токму во „Фчерашни новости“. Водителката Јована е првата учесничка во реалното шоу од љубовен карактер наречено „Луди за љубов“. Кои се потенцијалните кандидати? Како таа ќе се снајде со нив? Ќе успее ли некој да ја остави без зборови? Не се дел од прашањата што се поставуваат во шоуто.
За крај, Фчерашни успеаја да направат интервју со најозборуваната личност во последните неколку месеци, како кај нас, така и во светот. Овој ексклузивитет ќе можете да го погледнете во недела, во 18:30 часот, на Канал 5 телевизија.
А еве ја и најавата:
