Американскиот претседател Доналд Трамп одлучил да продолжи со кампањата за претседателските избори на 19-ти јуни во градот Тулса, во Оклахома, каде на 31-ви мај и 1-ви јуни 1921-ва година се случил најголемиот расен масакр во историјата на САД.
Освен местото за продолжување на кампањата, симболика носи и датумот бидејќи на 19-ти јуни се обележува Денот на еманципацијта, односно денот кога официјално било укинато ропството во САД.
Се смета дека робовладетелството официјално било укинато тој ден, на 19-ти јуни 1865-та година, кога, со задоцнување од две години, во Тексас доаѓа веста дека претседателот Абрахам Линколн уште во јануари 1863-та година издал акт за еманципација со кој официјално се укинува ропството во сите држави на конфедералниот југ на САД.
99 years ago this week, as many as 300 Black Americans were killed by white mobs in the Tulsa Massacre of ‘Black Wall Street.’ This tragic moment in American history is all too relevant today pic.twitter.com/I0xSe1l5yQ
— NowThis Impact (@nowthisimpact) June 7, 2020
Веста за продолжувањето на кампањата на Трамп е објавена во екот на масовните демонстрации во САД и во светот по повод бруталното полициско убиство на Афроамериканецот Џорџ Флојд во Минеаполис и против расизмот и полициската бруталност, известува BBC.
Од изборниот штаб на Трамп порачале дека Републиканската партија е горда на својата улога во победата на Унионистите во граѓанската војна и укинувањето на ропството во САД, иако американскиот претседател вчера го отфрлил барањето да се преименуваат сите воени бази кои носат имиња на генерали до Јужната конфедерација.
Според истражувањето на јавното мислење, Трамп во овој момент заостанува зад својот претседателски ривал од редовите на Демократската партија Џо Бајден.
Returning to the scene of the crime... pic.twitter.com/tZvBwijIrN
— John C. Varner III (@LilHulkQ) June 10, 2020
