Демонстрациите во САД, кои започнале откако полицајци во Минесота го убиле Афроамериканецот Џорџ Флојд, имаат и своја мрачна страна. Многумина оваа хаотична состојба ја искористиле за грабежи.
Најновите снимки ни доаѓаат од Чикаго. Товарен воз кој бил во движење, буквално бил покраден. Возот пренесувал LED телевизори, а група луѓе влетала во вагоните изнесувала се што можела.
Thieves looted TVs from a MOVING TRAIN near #Chicago.
— RT (@RT_com) June 4, 2020
The unusual incident took place amid ongoing protests against police brutality in the wake of the death of #GeorgeFloyd. pic.twitter.com/NthOYSAE32
Американскиот претседател Доналд Трамп во обраќањето до нацијата објавил дека ќе ја прати војската во најпроблематичните градови каде мирните демонстрации се претвориле во нереди, хаос и грабежи и порачал: "На Америка и треба создавање, не деструкција...безбедност, а не анархија...правда, а не хаос! Тоа е нашата мисија и ќе победиме, 100 % ќе победиме. Америка секогаш победува".
"Дадов заклетва дека ќе ги почитувам законите на нашата држава и тоа и ќе го направам. Сите Американци се шокирани и имаат мачно чувство во стомакот поради убиството на Џорџ Флојд. Мојата администрација е во целост посветена на тоа Џорџ и неговото семејство да добијат правда. Неговата смрт нема да биде залудна. Но, исто така, не смееме да дозволиме лутата маса, која краде, да преовладее над оние кои мирно протестираат и бараат правда. Јас како претседател ќе се борам да ги заштитам оние кои се нападнати, кои се исплашени. Ќе се борам да ве заштитам вас. Јас сум претседател на законот и редот и сојузник на сите мирни демонстранти. Но, последните денови нашата нација ја уништуваат професионални анархисти, насилни маси, криминалци, ограбувачи...Многу локални влади на држави и градови ја пропуштија можноста да ги заштитат своите мирни граѓани. Невини луѓе дивјачки се претепуваат, како оној млад човек во Далас кој беше оставен да лежи на улица, откако бил брутално претепан", рекол Трамп.