Почесниот претседател на Баерн Минхен, Ули Хенес зборуваше за трансфер активностите на баварскиот клуб ова лето.
Лидерот во Бундеслигата се поврзува со ангажман на Лерој Сане од Манчестер Сити, а се споменува и можен ангажман на Каи Хаверц од Баер Леверкузен.
Големи се шансите Сане да стане нов фудбалер на Баерн Минхен, а дека има нешто потврди и самиот Хенес во неговата изјаваза „Скај Германија“.
– Со Џошуа Кимих, Никлас Суле, Давид Алаба, Тијаго и исто така Лерој Сане, ќе имаме млад, витален тим.
– Можам да замислам, ако се оди како што треба, дека наскоро ќе започне нова ера во Баерн Минхен, -изјави Хенес најавувајќи го ангажманот на Сане.
Германскиот репрезентативец беше блиску до трансфер на „Алијанц Арена“ и минатата сезона, меѓутоа тогаш повредата на вкрстените лигаменти на коленото го стопираше неговиот трансфер.