Комисијата за заразни болести препорачува од 1-ви јуни да се отворат границите, а полицискиот час да се укине, пишува "Фактор".
Комисијата имала состанок утрово, а според сугестиите дозволено ќе биде и кафулињата и останатите угостителски објекти да отворат во четврток, пишува "Фактор".
Овие препораки сега треба да ги и прифати и Владата, но за денеска нема закажано владина седница.
Актуелниот полициски час трае од 19 часот навечер до 5 часот наутро.
Извор од Комисијата за "Фактор" рекол дека полицискиот час секако нема ефект, бидејќи граѓаните не се придржуваат до истиот.
Министерот за здравство, Венко Филипче, вчера посочи дека фотографиите и прилозите во медиумите се загрижувачки, бидејќи и покрај апелите на институциите да нема масовни собирања, почитување на препорачаната дистанца и ограничувањето на движењето, тоа не се почитувало од граѓаните.