Многумина кои што имале можност да го погледнат ова видео останале без здив. Оваа неверојатна сцена е снимена на небото над индиската држава Гуџарат, а фасцинатната појава во орнитологијата се нарекува мурмурација.
Станува збор за ‘роење’ на јато птици што всушност е природен феномен, каде што јатото тргнува едноставно, а во еден момент се раздвојува, се превртува и создава бранови на небото.
Јатото може да содржи над 10 илјади единки, а сè уште не е целосно разјаснето поради што доаѓа до мурмурација.
Некои од експертите сметаат дека тоа е начин на одбрана од предаторите, додека пак други сметаат дека тоа е своевиден начин на задржување на енергијата.
Снимката е споделена на социјалните мрежи, а експертите велат дека неверојатната сцена на небото нема никаква врска со блокадата поради коронавирусот, туку дека тоа е нивно нормално однесување.
Но, сите се согласуваат во едно – овој феномен има повеќе база во физиката отколку во биологијата, а движењето е по принцип на верижна реакција каде што секоја единка е поврзана со секоја една друга, меѓусебно.
