Икер Касилјас постојано е активен на социјалните мрежи и дава предлози за тоа како може полесно да се мине цела оваа криза со коронавирусот, но бидејќи не се сомнева дека со добра дисциплина ќе заврши истата, сега испрати еден уникатен предлог до своите поранешни колеги од Реал Мадрид, но и до легендите на Барса кои доскоро го носеа дресот на каталонскиот гигант.
Касилјас преку својот официјален Твитер профил даде предлог за одигрување на „Ел Класико Винтиџ“ натпревар во кој би учествувале легенди на двата најреномирани клуба во Шпанија, а крајна цел би била да им се помогне на семејствата кои останале најпогодени и најзагрозени од пандемијата која го стопираше цел свет.
– Звучи смешно, но јас ве имав и како ривали, но и како соиграчи. Имаше се и сешто… КОГА ЦЕЛА ОВАА СИТУАЦИЈА ЌЕ ПОМИНЕ, треба да се собереме сите легенди од пред неколку години и да одигра „ЕЛ КЛАСИКО ВИНТИЏ“!! Ќе им помогнеме на луѓето кои им е најпотребно, – порача Икер, а Иниеста веднаш го прифати предизвикот и му одговори.
– Почни да ги правиш составите… И сметај на мене!!
Resulta gracioso pero a mi me tocó veros en contra varias veces. Y por supuesto, a favor!! Ha habido de todo pero...qué narices!! CUANDO TODA ESTA PESADILLA PASE, deberíamos juntar a los míticos de hace años y jugar un CLÁSICO VINTAGE!! Recaudación para la gente NECESITADA. https://t.co/0KVbbwEvN1
— Iker Casillas (@IkerCasillas) April 6, 2020
