На здравствените работници во Велика Британија им е забрането купување во еден супермаркет кој се наоѓа во близина на една од најголемите болници во земјата - освен ако се пресоблечат и ја извадат униформата.
Наредено им е на вработените во супермаркетот да одбијат да ги услужат оние кои носат униформа поради страв дека би можеле да го прошират коронавирусот.
Оваа компанија има 28 продавници во Северна Англија и една непосредно пред болницата „Royal Preston“, која секојдневно ја користат стотина вработени.
Компанијата издала соопштение во кое се наведува дека одлуката е донесена врз основа на новоиздадените NHS насоки и безбедносни протоколи кои ги почитува и Кралската болница „Preston“.
Џо Ен Витекер вели дека морала да го прескокне ручекот, бидејќи не ѝ бил дозволен влез во супермаркетот, пренесува „The Sun“.