Уште двајца бугарски парламентарци се позитивни на тестот за коронавирус. Станува збор за претседателката на парламентарната група на владејачката централно-десничарска партија ГЕРБ, Даниела Дариткова и Даниела Малешкова, членка на партијата.
Тестирањата на сите парламентарци беа спроведени откако Хасан Адемов, член на централно-десничарското движење за права и слободи, беше позитивен на тестот за Ковид-19.
Во Бугарија досега има потврдено 457 заразени лица и 10 смртни случаи. Бугарија е во вонредна состојба од 13 март.
