Зелениот чај поради своите антиоксидативни својства е совршен здрав производ.
На почетокот зелениот чај бил многу популарен во Кина и се користел за лекување на сите видови главоболки и депресија. Денес се користи за многу работи, но и се консумира поради многу здравствени придобивки.
Освен здравствените придобивки, зелениот чај има и низа добри работи кога станува збор за кожата и телото. Зелениот чај помага за подмладување на кожата, а може да се користи и за лекување на рани и болести, исто така на кожата.
Делува како природен тоник, помага за вадење на нечистотијата, ги намалува порите и ѝ дава природен сјај на кожата.
Третман за уморни очи и подочници:
Ставете две вреќички зелен чај во фрижидер на 30 минути. Ладните вреќички чај ставете ги врз затворени очни капаци. Седете и опуштете се 30 минути. Практикувајте ја оваа метода двапати дневно - додека не бидете задоволни од резултатите.
