Кога во Литванија била воведена мерката самизолација, откажани биле и сите активности на еден фотограф, настаните биле одложени или откажани, а тој седел без работа и размислувал што се случува и како може да се реши оваа загатка.
На крајот дошол до заклучок дека мора да фотографира нешто интересно, но прво не знаел како да ја реши пречката наречена социјално дистанцирање.
Потоа се сетил дека за време на некоја венчавка користел дрон. Фотографирал неколку пријатели, собрал многу лајкови и проектот “карантински портрет“ заживеал.
Како што пренесува „Bored Panda“, фотографот овој проект го започнал за на луѓето да им ги разубави деновите, верувајќи дека овие смешни фотографии ќе ги потсетат луѓето дека времето поминато во карантин може да биде многу забавно.
