Британскиот принц Чарлс е позитивен на коронавирус, јавуваат британските медиуми.
Од Клеренс Хаус потврдуваат дека 71-годишниот принц бил тестиран на коронавирус и дека резултатите од тестот се позитивни.
“Тој има благи симптоми, но неговото здравје е добро и во последните денови работи од дома, како и вообичаено. Војвотката од Корнвол е исто така тестирана, но нема вирус”, се наведува во соопштението.
A Clarence House spokesman says the Prince of Wales has tested positive for COVID-19 and has "been displaying mild symptoms but otherwise remains in good health" adding the Duchess of Cornwall has also been tested but does not have the virus
— Sky News Breaking (@SkyNewsBreak) March 25, 2020
Не е познато како се заразил принцот Чарлс, но се наведува дека во последните неколку седмици имал повеќе обврски во јавноста. Брачниот пар, според препораките на лекарите, останал во својот дом во Шкотска.
Пред неколку дена, еден од вработените на кралицата Елизабета Втора бил тестиран и е исто така позитивен.
“Вработениот дознал дека е позитивен пред кралицата да замине во Виндзор. Палатата има 500 членови на персоналот и, како и секое друго работно место, не е незамисливо дека некој ќе се зарази”, вели извор од кралското семејство.
Секој член на персоналот кој бил во контакт со заразениот ќе мора да оди во самоизолација. Сепак, не е познато дали кралицата била во контакт со него.
Елизабета Втора заминала за Виндзор за да го избегне ризикот од зараза. Таа таму оди секоја година за Велигден, но сега заминала порано.