Весна Петрушевска без влакна на јазикот: „Има предлог да се намалеле платите. Одамна овде преживуваме, не живееме“

Точка

23/03/2020

13:22

5.426

Големина на фонт

а а а

Македонската актерка, Весна Петрушевска Бејби, на својот Фејсбук профил објави статус кој привлече доста внимание.

Имено, актерката се огласи за ситуацијата во која моментално се наоѓаме, поконкретно, за стравот кој владее кај граѓаните, за кој истакна дека лично не го чувствува иако можеби треба, но изнесе и свој став и мислење за мерката за намалување на платите.

Во меѓувреме, министерството за финанси сè уште не се изјасни какви мерки ќе преземе по ова прашање, откако експремиерот Зоран Заев даде предлог за намалување на платите на административните работници.

Нејзиниот статус ви го пренесуваме во целост.

„Падна снег и конечно малку раат. Читам многу страв од целава оваа ситуација. Природно, нормално. Има предлог да се намалеле платите. Одамна овде преживуваме, не живееме, освен оние кои направија пари со криминал. Ним ќе им е арно. Но, сакам да ве прашам нешто... знаете како е да се живее во овие услови пост хенотерапија? Имам другарка па знам... знаете како е да имате болно дете по дома со лекови кои чинат половина административна плата? (јас имам по дома таква приказна и сум сингл мам и 24/7 сум на нозе). Сте помислиле на моментот кога нема кој да оди во продавница за вас? Ооо, да, и не ги оставам децата од актерската школа работам со нив онлајн неколку часа дневно... Не се плашам искрено иако можеби би требало... не верувам одамна на политичари кои немаат однос кон менталното здравје, не верувам одамна на политичари кои гледаат само за својот газ и на пратеници кои мандати преспаа и збор не изустија. Јас сум вреден човек и работам не ми е страв... политичките елити сега е моментот да си го покажете лицето и образот. На сите нас ова ни е час по освестување.“



Спонзорирани линкови

Маркетинг